यो कविता वरिष्ठ विश्लेषकहरुको विश्लेषणको आधारमा सृजना गरिएको हो ।
MCC लागु भएपछि
रक्तपात हुन सक्छ
क्षतविक्षत हुन सक्छ
यो देश, देश जस्तो रहन्न
शायद
MCC लागु भएपछि
देशको कानुनभन्दा
एमसिसिको कानुन ठूलो
अनुदानको नाममा
देश लुट्ने परिकल्पना
र आफ्नै देशमा हामी
असुरक्षित हुनेछौँ
शायद
MCC लागु भएपछि
फाटिनेछौँ÷टाढिनेछौँ
हामी, हाम्राहरुसँग
हाम्रा प्रिय मनहरुसँग
भन्न पाउने छैनौँ
यो समाज, वस्ती, बाटोघाटो
हाम्रो आफ्नै हो भनेर
शायद
MCC लागु भएपछि
आऊ त्यसैले आऊ संकोच नमानी
केही छिन ख्याल ठट्टा गरौँ
केही छिन तितामीठा पल साटौँ
केही छिन यो देशलाई सुम्सुमौँ
धित मरुन्जेल केही छिन
हामी कतै हरौँ
MCC लागु हुन पूर्व ।
No comments:
Post a Comment